يا شعب مصر ... مع تميم

يا شعب مصر اللى سابقة ضحكته غضبه
ما يطلع الصبح إلا وصحبتك سببه
يا مخلص الأرض من وحشتها فى الأكوان
يا حجة الشمس تفضل طالعة ساعة كمان
مستأذنة وهى مش عادتها الاستئذان
متونسة بالميدان وبعشرته ونسبه

يا شعب يا مصلي قدام العساكر صف
يجري الجريح من ورا لقدام
لا خاف ولا خف
تدوس عليه العربية تحوله لميت الف
يا للعجب يقتلوه ويتوقعوا هربه
يا للعجب يقتلوه ويتوقعوا غيابه
اللي اتقتل لسه واقف هو واصحابه
ما بهدل الامن غير من ماتوا واتصابوا
والصبح ما نور الا اما الشموس غربوا

اضرب عليا انا مش جاري يا قناص
من امتى خوفنا يابن الكلب ضرب رصاص
كل اللي شاف الشهيد بقى تاره تاره الخاص
الدم صاحي وعنيد ولا تقبلوش تربه

يا شعب ياللي دفع تمن الشوارع دم
احفظ اسامي اللي ماتوا في الشوارع صم
الشارع اللي اصطفى وقصر الامارة لم
ملوك قليلة الرباية ركبوا واتركبوا
شعب بغزالة اتخنق قلب التاريخ في يومين
لابس عباية جحا وهو صلاح الدين
بيكرم الانبيا ويهزأ السلاطين
والفجر خيله وحبات الرمال عربه

يا شعب مصر اكم فرعون وفرعونة
ضربتهم ضرب سجادة في بلكونة
ضرب الملوك تربية صالحة ومضمونة
ما يبقوا بني ادمين الا اذا اضربوا
ضرب الملوك مصلحة
ضرب الملوك تأديب
محلى المماليك وهي بتجري في السراديب
ولولا ضرب شجرة الدر بالقباقيب
مابين اغا وباش اغا كان التتار غلبوا

بعدين مبارك سادات فاروق ماحدش دام
هو احنا شعب كده ما بيعيشلناش حكام
عقبال جيرانا وحبايبنا كمان يا سلام
لو كل من له رئيس نصحى نلاقيه قلبه

يا مصر لسه ولسه الثورة بلة ريق
ما ينتهيلك طريق الا ويبدا طريق
يا شعب مصر تعالى نتفق يا شقيق
رج الملك قبل ما تنعم عليه بلقبه
رجه كده شوفه ان كان الملك شغال
واسأل عليه المكوجي واسأل عليه البقال
واهم حاجة في صفاته انه يكون يتشال
متربي عال لما يمشي يلتزم ادبه

بتكون في احسن حالاتك وانت مش محكوم
بتبقى رايق ولا ظالم ولا مظلوم
بعدين ده ايه الغبي ده اللي يهددك بالشوم
يا مخلي الف احتلال ينزل على ركبه

يا شعب انت اللي كارم كل من حكمك
الدولة دي عارفة تحكم بس من كرمك
كشر لها وهي حتجيلك تبوس قدمك
مافيش حاجة اسمها مليون راجل اتغصبوا

سايق عليك النبي ما تقول كفاية يا شيخ
الملحمة لما تخلص يبدأ التاريخ
وبكرة جاية حروب فيها بكا وصريخ
وبكرة نصرك يخض الشمس من لهبه
سايق عليك النبي ما تقول كفاية كده
من النهاردة انتصاراتك حتبقى كده
يا شعب مصر اللي رجالته وبناته كده
حلال عليه لبن العصفورة لو طلبه
سايق عليك النبي ما تقول كده كفاية

الثورة دى بداية زى الهجرة والميلاد
الثورة دى بسملة كمل بقى الآية
مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية
عن ناس يباتوا حفايا يصبحوا أسياد

خمسة وعشرين يناير يا شباب حصل ايه
لو قلنا يعنى على الساعة تلاتة الفجر
فى حد فينا طِوِل أو جد حاجة عليه
أو جاب سلاح أو ملايكة بشروه بالنصر
كان يختلف فينا إيه عن أى يوم قبليه
نمنا غلابة، صحينا احنا ولاة الأمر

كان عرش مصر ف أُوَضْنا واحنا ناسيينه
راميين هدومنا على شماله وعلى يمينه
ونزلنا ع الميادين بإدينا شايلينه
بقوا الملوك فى الشوارع والعبيد فى القصر
وف يوم وليلة اكتشفنا ان احنا والنبى مصر
ومصر مش حد تانى غيرنا يعنى يا بيه
وكل واحد سأل طب كنا ساكتين ليه
وشعب مين اللى كانوا الزُّطِّ حاكمينه
بدولة شومة ومختومة بختم النسر
وكل واحد قرا اللى كان على جبينه
رفع بدمه يمينه هْدية وهداية
لو كانت الأنبيا ع المية مَشَّاية
لاجلك يا مصر مشينا باسمين ع الجمر
يا مصر وافتكرى أصل الدنيا نسايه
الملك ده حقنا ومفيش فراعنة جداد
إفرح وكمل وما تقولشى كده كفاية
الثورة دي بداية زى الهجرة والميلاد

مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان
فيه حاجة ف طبيعة البشر زى السمع زى البصر
زى اكتشاف القدرة ع الطيران
فيه حاجة كت ضايعة وبانت
خلت الأمة استعانت
عالشقا بالله فهانت
هذه الدنيا على الفتيان

ارقينا وارقيهم يا عم الشيخ
فى حاجة خلت يشمك التاريخ
ينزل عن الوجه الجميل فيبان
والخلق كانوا مدركين
لكنهم مش كلهم متأكدين
لحظة ما شافوا بعضهم جوة المظاهرة
اصبحت واضحة وظاهرة
نعمة الرحمن على المستضعفين
وصلت رسالة ربهم من كل زهرة كل زفرة
كل نفرة كل زحمة في كل حارة او خناقة في الاشارة
كل كلمة حق
او ضحكة ولد او بنت
كانت دعوة مستورة الى العصيان

فى حاجة أصلا فى الطبيعة تدعو للثورة على السلطان
شوف الشجر رغم الحجر طارح ثمر زى الخبر وبتعلنه الأغصان
شوف الهوا حب اللِّوا فبقوا سوا هبَّة لها ألوان
شوف القمر يفضل قمر تحت الحصار
رغم اقتناعه إنه هايموت قبل ما يشوف النهار
تحصل مفاجأة تطلع الشمس ف حضوره
يختلط نورها بنوره
تشبهه ما تقولش واحدة من ولاده
هى معناه وامتداده
واخدة منه الموهبة والبغددة
وعشان كده
لغة يقولوا عنهم القمران

شوف النجوم ما لهاش نظام حاكم
تكسر كلمة العالم
يبص ويبقى مش فاهم
وهو شايفها ماشية بكيفها فى الأكوان

يا سما هويتك
انت بيتي وقلبي بيتك
تشبهيني واشبهك بالمعنيين
الشبهة يعني والشبه يام النجوم الفلتانين
وباموت انا في فلتانك الامني
لإنه عبقري وفني
وفيه منطق من الموجود في كل جنان
وبرضه باحبه بس كده عشان فلتان

فيه حاجة غامضة بتكتشف
هى اللى بتخلى الحصان اللى اتحدف
من بطن أمه ولسه مش عارف يقف
يقزح ويجرى ويعرف انه حصان
فيه حاجة بتخلى السجين المستكين فى كل حين اشطر من السجان
فيه حاجة بتخلى القوى عيِّل قوى وبيتلوى من نكتة الغلبان
فيه حاجة بتخلى عيون الخلق ما تنامشى
وبتخلى المدن تمشى
وتخرج زى كلمة حق من غير قصد مابترجعش لو طلعت
وم الأسمنت والأسفلت يفلت فلت نهر مقدس الجريان
فليحذر السلطانُ زحف الغابة
والورد إذ يستأنس الدبابة
داب الحديد من لمسته دوبان

فيه حاجة خلت خطة الموت ترتبك
عابس وعايز يشتبك
خاف من ضحية جاية ناوية تاخده بالأحضان
وإذا بهذا الفجر يا اخواننا اتولد بيننا
وكنا احنا بنستنى وهو كمان بيستنا
واتاريه بس عايز إذن منا وهو فى يميننا
فلما أذنا خد منا وعطانا أمان

يا مصر وانت لسه في البداياتبكرة اللي جاي اعظم م اللي فات
يا مصر قومي وبصي في المرايات
كان كل واحد في الميدان جايب معاه مراية
رافعها للسما
اشكال والوان كلها مرفوعة في العالي
صبحت مراية واحدة بتلالي
وبقت يا مصر الارض صورة للسما
لعبة بازل متكاسرة الاجزاء
لما البشر يتجمعوا تبان السما ع الارض
واما البشر يتفرقوا تلقي السما بتنفض
تبقى سما متوزعة جوه الشقق
وتمر ليلة من التوجس والقلق
وننام ونصحى تاني يوم
ترجع سما لما البشر يتجمعوا مع بعض

يا مصر حقك تملكي بدل السما اتنين
واحدة هدية وواحدة تانية صانعها مصريين
يا مصر لو دققتي حتلاقي البراق
بيجر عربية فواكه في الحواري الضيقة
شوفي الصحابة والحواريين على القهوة
بيتناقشوا بحرارة
والسما على مد ايدهم مستشارة طيعة ورقيقة
شوفي المساجد كت تشاور ع السما
صبحت تشاور ع البشر وتقول اهما يا سما
بصي وشوفي
وابقي قول لكل صوفي
وهو طالع لك طريق المعرفة اتغير
يوصل م السما للارض
لا يتوه ولا يحير
وشوفي الخلق وسط الموت تقابله وهي بتهزر
فيتلخبط ويتبعتر
وسر الدنيا يتفسر
ونعدلها ونوزنها

باقول يا مصر قومي وبصي في المرايات
في سما الولاد هم اللي عاملينها
بيشوفوا بعض في وش بعض
كأن انا انت وهو انا واحنا الكل
احنا ف مرايا بعض بنصبح صباح الفل
افدي بروحي كل واحد في المرايا طل
افدي الشهيد اللي بيتبسم
الفجر توب على قده متكسم
والله اعلم مين من الاتنين في صاحبه حل

افدي اللي سهران ع الخيم في الطل
وافدي اللي واقف يشتغل في الضل
وافدي اللي شايل للعناد اشارات
يهدي التاريخ صوب الميدان لو ضل
وافدي اللي واقف هاري نفسه كلام
وافدي اللي يتريق على الحكام
وافدي اللي رايح جاي ما بيتعبش
وافدي اللي جنبه حط فرشة ونام
وافدي طويل البال ما يتعصبش
وافدي المصاب اللي شوية وطاب
وافدي المصاب بهوى التراب وما طابش
وافدي اللي صاب البلطجي وما اتصابش
وافدي المقام العالي في التحرير
دولة بلا امرا وشعب امير

اعلم يا هذا الجيل ان الوطن بشره
لو مصر مالهاش نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا

والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره
ناس لسة فى العشرين نازلين على الميادين
بيهزأوا السلاطين من غير ما يعتذروا

يا شعب يا مجنون
علم شعوب الكون
اللي اخترع فرعون
قادر يجيب خبره

يا سادة الايام يا رافعين الهام
من بكرة بر الشام نادر لكم شجره
نادرها تين وزتون فى القدس ينتظرون
جيش ع الغلابة حنون وعلى العدى ضرره

دافعين تمنها دما
يا امة الكرما
شعبك كأنه سما
والدنيا دي مطره

يا مصر حمد الله ع السلامة
مطر ونازل بلا غمامة
مطر يا سيدي نازل وطالع
كأنه مدنا والارض جامع
والارض دي مظاهرة في الشوارع
تسقي السما جدعنة وشهامة
مطر وطالع يقول لربه
الامهات اللي في مصر ربوا
ويا بنات مصر قوموا حبوا
اجمل ما في الراجل الكرامة
مطر وطالع ع الفجر يدن
طلعت بنات مصر حلوة جدا
في الحرب والدنيا نار ومعدن
طايرة وشايلة السما اليمامة

خمسة وعشرين من شهر واحد
الفين وعشرة وزادوا واحد
كنا ملايين وكنا واحد
حددنا موعد يوم القيامة

قلت لصحابى انزلوا وانا بعيد عنهم
وقلت من بات فى بيته سلم اصحابه
وانا اللى غبت وهمه اللى هنا اتصابوا
نزلوا الشباب الميدان وانا بعيد عنهم
كسروا الشباب البيبان وانا بعيد عنهم
خرج الشباب م البيوت وأنا بعيد عنهم
دخل الشباب فى الموت وانا بعيد عنهم

يا موتى قوم امتحنى أعتذر منهم
اشمعنى يا كلب تستثنينى من بينهم
يوم الخطر قبلها ما كنت اجبنهم
يا موت تعالى اعوض غربتى ومنفاى
يا موت تعالى أحاسبك ع القديم والجاى
يا موت تعالى ونتقاسمك أنا وعداى
ولا تطال عزوتى وانا بعيد عنهم

لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل
اللقمة دى لك نصيب فيها باشيلهولك
واشيل نصيبك من القاعدة وكاسات الشاى
لكن نصيبك فى أنفاسى أشيله إزاى
وازاى أشيللك نصيبك من فرحنا الجاى
ساعات ألاقينى باطلب خط محمولك
بعمل فى نفسى كده ليه، لسه مش عارف
وروح على القهوة أسأل، هو جه وسأل

من قال لك الموت طبيعى يبقى مش شايف
الموت ده شىء مش طبيعى الموت ده أصله خلل
الأصل فينا الخلود وهييجى يوم نلقاه
ما تحسبوش الشهيد اداكوا بس حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
عدوا بقى فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
فيجسم كل شهيد فيه مصر مكتملة
فخلوا مصر اللى فاضلة تعيش كما شاؤوا

The Decision...

Sometimes, things became unclear.. sometimes we get confused.. don't know which way to go.. then.. at such times.. we need to reset our goals & priorities to fit our ultimate purpose & vision..

The Photographer In Me! (2)

One more time, but with some photo editing tricks ;)
I'm still a believer that an elegant photo doesn't need any editing. However, some elegant touches wouldn't hurt :)

Enjoy :)

Ya El Medan - يا الميدان

حكايات من دفتر الوطن

# ... وبكيت... وكرهت حتى الموت لحظات الحصار، وامتهان الانسان لأنه يؤمن بشئ، أو يناصر ما يعتقد أنه الصواب، وكرهت كل محاولة لاجباره بالجوع أو القهر على أن يكون غير ما يريده لنفسه.

# ... وكنت قد توصلت إلى فرضية ليست خاطئة تماما: "ان عذاب مصر" الحقيقي، قد بدأ منذ حُصر العقل المصري في اطار المسلمات النهائية، التي لا تقبل المناقشة - وكان هدف الغزاة و الطغاة باستمرار أن يفقدوا هذا العقل قدرته على التفكير والحركة، لذلك ركزوا كل جهدهم على تحطيم حيويته، و تبديد قدراته الخارقة على الابتكار و الملاحة في البحار الصعبة. و كان اخطر ما فعلوه أن حولوا هذا العقل الى عقل يعرف جيدا علامات "التنصيص"، ويجهل علامات "الاستفهام" و "التعجب"، عقل يفتقد تدريجيا الى "الحاسة النقدية" التي تمكنه من تحطيم المحرمات التي تحول بينه وبين الثورة على واقعه و انتزاع مقدراته من أيدي الطغاة و الغزاة...

# رأس سليمان الحلبي - التى قطعوها بعد ذلك - كانت خالية من ذلك الذي يسمونه "احلام المجد". وكان هدفه عاريا عن أي تزويق أو تهويل أو أوهام بشرية. لذلك جاءت كلماته بسيطة، فهو لم يكم يملك خبرة كليبر الواسعة في وضع هالات العظمة حول ما يفعل، ومن المؤكد أنه كان خاليا تماما من أي احساس مريض بالذات، أو حرص على إبراز مظاهر العنجهية وسمات العظمة، كما كان غريمه القائد الالزاسي يفعل عادة. كان شابا تطهريا يرى المسائل فى مباشرتها و نقائها، ففعل ما فعل، لان "مراده أن يغازي - اي يجاهد - في سبيل الله" لا لشئ اكثر من ذلك..

والمواجة الدموية التي حدثت في "وراق العنب" - الذي اصبح الان شارعا تدوسه السابلة - بين "سليمان الحلبي" وبين "جان باتيست كليبر" تُصور على لسان مؤرخين كثيرين باعتبارها مواجهة بين رجل متعصب مصاب بهستيريا - او هلاوس - دينية، وبين قائد عظيم من ابناء حضارة الحرية والاخاء والمساوة، جاء لينشر العلم والعمران والتقدم في الوطن العربي الجاهل والمتخلف، ولينقله من القرون الوسطى الى العصر الحديث..

تلك بعض أكاذيب المؤرخين، وهى ليست قليلة، فلا احد يعرف - على وجه التحديد - أين تكمن الحضارة فى تاريخ الجينرال "جان باتيست كليبر"، و لا احد يستطيع أن يظبط ذلك الانتماء لمقولات الثورة الفرنسية فيما فعله - هو و سيده "بونابرت" - بأهل "القاهرة" و أهل "يافا" وأهل "رشيد"، وكل الذي نضبطه، هو المدافع والبنادق والبارود و المذابحو القسوة التى لاحد لها، وحفنة من الشعارات عن الحرية و الاخاء و المساواة، اعترف "بونابرت" - بعد ذلك في مذكراته التى كتبها فى منفاه بسانت هيلانه - بأنها كانت دجلا من اعلى طراز! (*)

من كتاب: حكايات من دفتر الوطن

للكاتب: صلاح عيسى

-----------------------
(*) عن نفسى، لست من مؤيدى "الحل عن طريق الاغتيالات"! ولكن - حسب ما فهمت - فان الكاتب ايضا "قد" يكون من الذين لا يؤيدون سياسة الاغتيالات! و تعليقه هذا على حادث اغتيال "كليبر" انما هو انتقاد لما "ادعاه" المؤرخون عن كلا من "الحلبي" و "كليبر" و اهداف الحملة الفرنسية "النبيلة"!! ايضا، استطعت ان استشف ما اراد الكاتب ان يوصله من تحليل ضمنى لدوافع "الحلبي" لقتل "كليبر"! وكيف كان الظلم جليا للحلبي، فاتخذ من دوره موقفا. في حين تاه الكثيرون - ممن يحسبون من ذو الرأي و العلم و التقى - في حسابات ما قد يلاقونه من مواجهة الظلم بكلمة الحق!! على اي حال، هو تحليل جيد جدا كتب باسلوب اكثر من ممتع!
  

Everything You Do Says Something About You

I liked this paragraph of "Designing the Obvious - A Common Sense Approach to Web and Mobile Application Design" book! So, I liked to share it here.

What you do is evidence of why you do it. Everything you do says something about you. Buying a moderately priced, used sedan says something different about you than buying a flashy red sports car. Store-brand lemonade says something different about you than gourmet, organic lemonade. A Saturday night at home with the dogs says something different than one spent at a downtown bar. People aren’t random. They are the results of their own lives. You tell your story with every move and every decision. The books on your bookshelf, the rug on your floor, the food in your refrigerator, the car in your driveway, the shirt on your back—they all say something about you, your circumstances, the way you think, what you value, what you believe. People don’t buy products. They buy their own identities. We are photographs of our own truths.

References:
Robert Hoekman Jr., Designing the Obvious - A Common Sense Approach to Web and Mobile Application Design, Second Edition 

Islam: Empire of Faith - Documentary (2)

Part 2: The Awakening

Part 3: The Ottomans