يعني ايه "وطن"؟!! يعني ايه "غربة"؟!!

الوطن: كل مكان يمكن فيه صناعة فارق مهم. أو هو أي مكان يمكنك فيه من القيام فيه دورك الأساسي كواحد من بني أدام في عمارة الأرض.

الغربة: هو الاحساس الناتج من تواجدك في مكان لا يسمح لك بالقيام بدورك الأساسي في عمارة الأرض. ولا حتى يسمح لك التمتع بخصائص كونك واحد من بني ادام!! 

من اقوال سواقين التاكسي

# نملة سوداء على ضخرة سوداء في ليلة حالكة الظلمة يرزقها الله.

# إحنا عايشين في كدبة ومصدقينها.. والحكومة دورها الوحيد تراقب إن إحنا مصدقين الكدبة، ولا لأ؟!

# ولكل زمن ناسه الذين يأملون فى يوم قيامة قريب لإنصافهم من الظلم و الجور.

# التعليم لكل الناس ده يا أستاذ كان حلم جميل زي أحلام كتير راحت ومافضلش منها غير الشكل والمنظر.. على الورق التعليم كالماء والهواء.. إجباري لكل الناس.. ولكن الحقيقة الأغنياء بيتعلموا وبيشتغلوا وبيكسبوا، الفقراء مابيتعلموش حاجة ومابيشتغلوش حاجة ومابيكسبوش حاجة. ومتلقحين كلهم أوَرّيهوملك مش لاقيين لا شغلة ولا مشغلة. ما عدا طبعا العباقرة وأكيد الواد "ألبير" -ابني- مش من ضمنهم..

# طب من الآخر ح نهج زي ما كله بيهج.. واضح إن دى الخطة الحقيقية للحكومة.. إنها تخلينا كلنا نهج على بره.. بس أنا مش فاهم لو هجينا كلنا الحكومة ح تسرق مين؟! مش ح يفضل حد تسرقه!

# انت عارف أنا عندي حلم كبير.. حلم أنا عايش علشانه.. ماهو الواحد من غير حلم مايقدرش يعيش.. يلاقى نفسه عنده وخم على طول، مش قادر يتحرك من على السرير، يكتئب، يبقى عايز يموت، إنما بالحلم تلاقي الواحد يتحرك رهوان، يبقى فرّيرة، نار قايدة ماتطفيش.. أنا ح فضل كده ولعة بلف وألف وأحوش فلوس لمدة أربع سنين...

من كتاب: تاكسي - حواديت المشاوير

لـ: خالد الخميسي

الموكوس في بلاد الفلوس

الموكوس في بلاد الفلوس - محمود السعدني

ثلاث اسطر اعجبتني من كتاب "الموكوس في بلاد الفلوس" لمحمود السعدني:

# وفي المجتع الرأس مالي عندما تكون لصا صغيرا.. فإن البوليس يتبعك،. و عندما تكون لصا كبيرا.. فإن البوليس يحرسك.  

# الفن بلا نهاية و بلا حدود.

# ولكي تتقن فنك ينبغى أن تتخانق معاه، و لكى تجود فنك يجب ان تتعارك مع نفسك، و لأن اليوم الذى ينبسط فيه الفنان من نفسه، و يستمخ من انتاجه، ويقرأ نفسه ثم يقول: الله على كده، ومافيش أحسن من كده، في هذا اليوم قل على الفنان السلام!