"هيلين كيلر واحدة من ابرز الشخصيات التي ولدت في القرن التاسع عشر. فالتاريخ سيظل يذكرها باعتبارها الفتاة التي تمكنت من قهر الإعاقة المزدوجة التي أصيبت بها بفقد بصرها وسمعها (عند سن التسعة عشر شهرا)، ومن المشاركة الفعالة في الحياة..."
دي كانت جزء من مقدمة مترجم كتاب "هيلين كيلر ... قصة حياتي العجيبة". أول مرة قريت فيها الكتاب دا كان وأنا تقريبا في أولي أو تانية إعدادي، بس شديني قوي طريقة هيلين في سرد إحداث حياتها ومحاولاتها المستمرة في استكشاف العالم اللي حولها بمساعدة معلمتها الآنسة "آن سوليفان" . وازاي رغم إعاقتها استطاعت أن تتم تعليمها الجامعي زيها زي أي فتاة طبيعية!!!
دي كانت جزء من مقدمة مترجم كتاب "هيلين كيلر ... قصة حياتي العجيبة". أول مرة قريت فيها الكتاب دا كان وأنا تقريبا في أولي أو تانية إعدادي، بس شديني قوي طريقة هيلين في سرد إحداث حياتها ومحاولاتها المستمرة في استكشاف العالم اللي حولها بمساعدة معلمتها الآنسة "آن سوليفان" . وازاي رغم إعاقتها استطاعت أن تتم تعليمها الجامعي زيها زي أي فتاة طبيعية!!!
الكتاب دا أول كتاب واقعي أقراه، بعد ما كنت هاوية قراءة الروايات والقصص المترجمة. بس رغم انه واقعي، إلا أن الأحداث اللي هيلين اتكلمت عنها مثيرة جدا، ممكن لو إنسان معندهوش إيمان أو ثقة في نفسه يقول إنها قصة خيالية وخرافية!!!
قراءة سير وتراجم الشخصيات المشهورة واللي ليها تأثير قوي ومؤثر في مجتمعها شئ ممتع جدا. الواحد بيحس كأن الناس دي أصدقاء ليه وانه يعرفهم معرفة شخصية، رغم إن في الغالب بيكون من الصعب مقابلتهم وجها لوجه. و هيلين واحدة من الشخصيات اللي أثرت فيا قوي، لدرجة إن أحيانا بتدور في عقلي أفكار عن إني أقابلها!!! مش عرفه ازاي بصراحة ... هي ماتت من زمان قوي!!!!
لكن اللي بتمناه بشده إني اقدر اقرأه الكتاب تاني باللغة اللي اتكتب بها، مش الترجمة، لان دي هتكون اللغة اللي فعلا بتوصف مشاعر وخواطر وافكار هيلين بصورة مباشرة بدون وسيط.
في حاجات هيلين قالتها عجبتني قوي قوي قوي ... إن شاء الله هبقي اقرأها ليكوا ... أو بمعنى أدق ... هابقي اكتبها ليكوا :D
عنوان الكتاب: هيلين كلير... قصة حياتي العجيبة
الكاتب: هيلين كلير
المترجم: محمد وهدان
الناشر: مكتبة الأسرة – كتاب الشباب – الهيئة المصرية العامة للكتاب 1998
يتبع
يتبع
No comments:
Post a Comment