مبفهمش كتير في أنواع المزيكا ومبعرفش أفرق بين الجاز و الروك و الراب
وغيره. بالنسبة لي المزيكا حاجة من إتنين، يا مزيكا حلوة، يا وحشة.
المزيكا الحلوة اللي تخليني أتخيل قصص وحكايات وأنا بسمعها. في كل مرة قصة
جديدة بتفاصيل مختلفة تماما، ملهاش أي علاقة بالسبب اللي المزيكا دي إتألفت
أصلا علشانه.
هنا هشارك شوية من أفضل التراكات اللي بتديني متعة التخيل وخلق دنيا تانية.
مبدئيا كدا، البوست دا حزايني. هنا هشارك شوية من أفضل التراكات اللي بتديني متعة التخيل وخلق دنيا تانية.
*****
تلات تراكات حزينة، تنفع وقت ما تكون عايز حاجة تطلع فيها كل بؤسك. أو عايز تعيط ومش عارف.
*****
# Schindler's List Theme:
لما الدنيا تقفل خالص قدامك، ومش لاقي أي مخرج، وعايز تعيط ومش عارف، التراك دا هايساعدك جدا!
بغض النظر عن سبيلبرج لما يحب يجود ويطلع الصهيوني اللي جواه، جون ويليامز حط بؤس العالم كله في التراك دا. تقريبا هو أفضل ما في الفيلم بعد التصوير.
نصيحة، متسمعهاش وإنت في ميدان السيدة عائشة أو ميدان الجيزة، المناظر الي هاتشوفها في الميدان مع التراك هاتخليك تكتأب تلات أسابيع قدام!
*****
# We All Complete:عيطت كتير؟ وبتحاول تفكر في أي تنتوفة أمل؟ أو حنين لحالة أفضل ممن اللي إنت فيها؟ هايعجبك دا.
في أفلام إخراجها أو قصتها بتكون مش بالجودة المتوقعة، فتيجي المزيكا وتشيل الفيلم. دا رائي في فيلم "Never Let Me Go". الفيلم كفيلم مش بطال، بس المزيكا رفعاه كتير. الحاجة الوحيدة اللي حطتني في مود الفيلم، و خلتني أتعاطف مع الأبطال.
*****
# أسماء - تتر النهاية:
شوية أمل وتفاؤل بقى، بعد صراع طويل مع البؤس..
شوية أمل وتفاؤل بقى، بعد صراع طويل مع البؤس..
*****
شوية لينكات:
# أسماء
No comments:
Post a Comment